لکھی ہے حمد کہ الحمد، میرارب تو ہے
کہ میرے دل کی صدا میرا نطق لب تو ہے
ترا جمال ہے کل کائنات کو گھیرے
یه مهر و ماه ؛ حجابات نور ہیں تیرے
. مجھے خبر ہے تجلی روز وشب تو ہے
کبھی مہکتے ہوئے برگ و گل کی خوشبو ہے
کبھی برستے ہوئے بادلوں کا جادو ہے
کبھی بھڑکتی ہوئی آگ کا غضب تو ہے
صدا نہیں ہے مگر تو سنائی دیتا ہے
تو صرف اندھے یقیں کو دکھائی دیتا ہے
تری تلاش میں، روح شہود میں گم ہوں
قدم قدم پر رکوع و سجود میں گم ہوں
نفس نفس کی صدائے ادب ادب تو ہے
جسے نگاہ نہ دیکھے وہ بوالعجب تو ہے ۔
دل حزیں کے لئے مہر بان آخر ہے
کہیں اماں نہ ملے تو امان آخر ہے
ہجوم یاس میں سر چشمہ طرب تو ہے
کلام : صہبا اختر
انتخاب : بدر نذیر بابر
